الدكتور معاذ الشروف أخصائي طب الأطفال و حديثي الولادة

مهم لكل أم و أب ... كورونا عند الاطفال
رح نحكي بأهم النقاط الاساسية بالموضوع، أغلب الأطفال المصابين بفيروس كورونا  بتكون الأعراض عندهم بسيطة  و ممكن ما يظهر عندهم أعراض، بس انتبهوا! بنتقل الفيروس منهم للآخرين.
 الأطفال الي بنخاف عليهم اكتر شي، هم الأطفال الي بعانو من السمنة ، السكري، أمراض نقص المناعة، الربو، و أمراض القلب.
 البالغين  عندهم مناعة بتستجيب بشكل قوي للفيروس و هاد هو الي بخلي الاعراض تظهر بشكل اشد و اقوى! 

 الأطفال  اقل من سنة هم اكثر عرضة للفيروس بالمقارنة مع باقي الاطفال لانه مجاري التنفس عندهم ضيقة.

بالنسبة لأعراض الفيروس عند الاطفال:
بتشبه أعراض البالغين: حرارة، احتقان أنف، سعال، ألم حلق، صعوبة تنفس، وهن عام، فقدان الذوق و الشم، إسهال، قيء. 

 في حال انصاب الأب و الأم بالفيروس بننصح بإتباع التدابير الاحتراوية من كمامات  و غسل ايدي  و الإهتمام بالاكل الصحي  بدون عزل الطفل عن امه و ابوه! 

 في حال انصاب الطفل بالفيروس  بنتعامل معو بناءً على الاعراض، من خوافض حرارة و تباخير و سوائل  لانه ما في اي علاج لهاد المرض لحد الآن!

سؤال: دكتور متى نزور المستشفى بهالحالة ؟
 في حال القىء المستمر  او صعوبة التنفس  او الحرارة المستمرة. 
و الله يبعد عنا جميع الأمراض و يرحمنا برحمته.

​

دكتور معاذ الشروف 

Drmuathshrouf